بسكويت برتقال سهل

بسكويت برتقال سهل 

المقادير:

2كوب ونص دقيق

بيضة

نص كوب زبدة او سمنة 

نص كوب عصير برتقال

معلقة فانيليا

معلقة بيكينج بودر

كوب سكر وممكن تقللى شوية لو مش بتحبية مسكر اوى

الطريقة:

نضرب البيضة مع الزبدة و السكر والفانيليا لغاية ما تبقى قوامها كريمى 

نضيف العصير ونضرب وبعدين الدقيق والبيكينج بالتدريج لغاية ما تتكون عجينة متماسكة قابلة للتشكيل 

نسبها ترتاح شوية وبعدين نفردها ونشكلها ونرصة فى صنية مدهونة زيت خفيف وندخلة الفرن لغاية ما يبقى لونة دهبى ونسيبة يبرد ويقدم 

ممكن نحط علية شيكولاتة وممكن يتقدم سادة 

.

اقرء المزيد

تورتة الجيلى

بما ان الجو بدأ يحرر اية رئيك لو تجربى تورتة الجيلى
مش مكلفة وطعمها وااااااااااااااو

تورتة الجيلى

المقادير:
1 كوب دقيق - 5 بيضات كبار - 1 كوب سكر بودره منخول - 1 باكو بيكنج باودر - فانيليا - ذرة ملح

للتجميل :
4 باكو جيلى - 5 أكواب و نصف ماء - فواكه أو كمبوت - كريم شانتيه حسب الرغبه

الطريقه :
1- ينخل الدقيق مع البيكنج باودر و الملح
2- نضرب البيض بالمضرب جيداً حتى يتضاعف حجمه و يبقى لونه أبيض
3 - حنضيف السكر البودره بالتدريج ملعقه ... ملعقه و نضرب ... حتى يصبح القوام غليظ و بعدين نضيف الفانيليا و نضرب تانى .
4- نضيف خليط الدقيق إلى الخليط المخفوق من قبل ... و يتم إضافته بواسطه ملعقه خشب و التقليب يكون من تحت لفوق و بحرص شديد حتى لا يخرج الهواء .... يعنى تحطى شوية دقيق صغيرين و تقلبى من تحت لفوق ثم تحطى دقيق تانى و تقلبى لحد ما كمية الدقيق تخلص و تختلط مع البيض المضروب
5 - نضع الخليط ده فى صينيه مستديره مدهونه و مرشوشه دقيق و تخبز فى فرن متوسط الحراره لمدة من 25 إلى 30 دقيقه
6 - لما تستوى إطفى الفرن و إفتحى الباب و خليها جوه شويه حتى لا تهبط منك ....و بعدين خرجيها و إتركيها تبرد


7 - نجهز الجيلى بنفس الطريقة اللى مكتوبة على العلبة بس هنقلل الماية يعنى 4 باكو جيلى مع 5.5 كوب ماء فقط .
8- فى نفس الصينيه اللى عملنا فيها الكيكه هنرص طبقة من الفواكة باى طريقة تعجبك واى نوع فواكة يعجبك و حنضع نصف مقدار الجيلى عليهاو نتركه يجمد فى الثلاجه
وبعدين نطلعا ونحط فوقيها الكيك بالراحة خااااالص وبعدين نحط باقى كمية الجيلى السايل فوق الكيك وهنلاحظ ان الكيك بيتشربة وبعدين دخليها التلاجة حوالى 4ساعات او اكتر
عند التقديم تجيبى فوطة مبلولة ماية سخنة وتمشى بيها على الصنية من تحت ومن الجوانب وبعدين اقلبيها فى طبق التقديم وزينيها بالكريم شانتى وممكن بالفواكة وتقدم بالهنا
.

ملحوظة:
ممكن تقسمى الكيك طبقتين وتحطى فى النص كريم شانتى او مربى او كريمة شيكولاتة او كريمة زبدة على حسب رغبتك وتتعمل بنفس الطريقة السابقة
.
.

اقرء المزيد

الكيك الاسفنجى

الكيك الاسفنجى 

المقادير : (صنية 24 والمكونات تبقى بدرجة حرارة الغرفة دة مهم جداااااااااااااااا)

9 بيضات كبار

كوب وربع دقيق ( منخول 3 مرات )

كوب ونص سكر بودرة ( منخول)

2 ملعقة كبيرة نشا ( منخول )

معلقة ك خل ابيض

4 معالق ك ونص ماية

معلقة ص ملح

الطريقة:

نفصل الصفار عن البياض ومانخليش البياض ييجي عليه صفار خالص

نضرب الصفار لوحدة الاول حوالى 5 دقايق ونضيفلة الماية والخل 

نحط نص كمية السكر ونضرب لغاية ما يبقى لونة ابيض ونسيبة على جنب

نغسل المضرب ونخلط البياض مع الملح لمدة 5 دقايق هنلاقية بقى شبة الرغوة كدة نضفلة باقى كمية السكر ونضرب لغاية ما يبقى زى الكريمة وهش

حنجيب الصفار ونحط عليه الدقيق على 3 مرات ونقلب بالراحة وفي اتجاه واحد بملعقة خشب

حيبقى معانا عجينة تقيلة اوي 

وبعدين نحط البياض بالتدريج على 3 مرات برضه ونقلب كويس في اتجاه واحد وبالراحة عشان مايهبطش

جيب بقى صينية وندهنها زيت او سمنة وبعدين نحط دقيق فيها كلها ونحرك الصينية عشان يوصل للحروف ويغطيها 

وبعدين نجيب ورق زبدة ونحط في القاع والحروف وبعدين نصب العجينة فى الصنية

نسويها في الفرن الرف الوسطاني درجة حرارة متوسطة لمدة 25 دقيقة تقريبا

وبعدين نفتح نبص عليها ونحط فيها سكينة او خلة لو طلعت نضيفة نقفل ومش بنفتح الشواية زي الكيك العادي 

هنطفى الفرن ونسبها جو نص ساعة علشان مش تهبط 

نسبها لغاية ما تبرد خاااااااااااالص ويفضل اننا نعملها قبلها بيوم ونحطها على شبكة سلك ونسبها تبرد بعيد عن تيارات الهوا 

ونقسمها واعملى احلى تورتة باحلى كيك هش

اقرء المزيد

صنية بطاطس باللحم

صنية بطاطس باللحم

المقادير:

1كيلو بطاطس

نصف كيلو من طماطم او 3م/ك صلصة مذابة في الماء

مرق لحم او ماء ويوضع به مكعب مرق ماجي

ملح + فلفل اسود +ورق لورا وحبهان وبهارات

بصلة متوسطة الحجم +3فصوص ثوم

عدد 2حبة طماطم شرائح +شرائح فلفل اخضر رومي

2ملعقة سمن او زيت

قطع لحم حسب العدد المطلوب

الطريقة:

1-نقوم بتتبيل اللحم بالتوابل ثم نشوح قطع اللحم في ملعقة سمن او زيت في مقلاة نضعها علي حرارة عالية تشوح علي الجانبين حتي تتحمر ونضفلة حبة ماية ونسبها تشربهم يعنى تستوى نص سواوتوضع جانبا

2- ونكون قد وضعنا الطماطم فى الخلاط مع التوم

ونقطع البصل حلقات وندعكة مع الملح والفلفل وطبعا بنكون مقشرين البطاطس ومقطعنها طرنشات ونقهتعا شوية فى الماية

3-نرص البطاطس فوق البصل ونحط اللحم فى وسطها ونضيف الطماطم المتبلة بالبهارات وشوية شورربة ثم يوضع ملعقة سمن علي الوجة للطعم وترص شرائح الطماطم والشرائح الفلفل الاخضر ثم توضع في الفرن لمدة ساعة ونصف وممكن نضعها تغلي علي البوتجاز ثم نضعها في الفرن بعد ذلك تقدم مع الارز بشعيرية

اقرء المزيد

طريقة عمل فته مصرى

طريقة عمل فته مصرى
***************
المقادير

******

كوب ارز ابيض

2 رغيف عيش اسمر

1/2 كيلولحم

1/2 راس ثوم

3 ملاعق كبيرةصلصه

2 ملعقةخل

3 ملاعق سمن

مكعب مرقه

مقدارملح وفلفل

الطريقه
*****
يسوى كوب الارز (نضع السمن على النار ثم نضع الارز+الملح+كوب ماء)

تسلق اللحم مع الاحتفاظ بالشوربه

يقطع العيش ويدخل الفرن للتحميص مع اضافة ملعقة سمن

الطبخ:

لطبخ الدمعه:

نضع السمن على النار ثم نضع الثوم المفرى ونظل نقلبه حتى يحمر فنضع عليه الخل ونتركه دقيقه يغلى ثم نضع الصلصه

نضع العيش فى صنيه بايركس ونضع عليه الخليط ونضعه على النار مع اضافة الشوربه حتى تغطى العيش ويغطى وتهدا النار

بعد شرب العيش للصلصه والتاكد من طراوة العيش يرفع عن النار ويغطى بالارز ويوضع على الوجه اللحم بعد تحميره

وبالهنا والشفا

اقرء المزيد

طاجن لسان عصفور بالكبد والقوانص

طاجن لسان عصفور بالكبد والقوانص

**************************

المكونات

1/2 كيلو كبدة وقوانص

3 فص حبهان

1/2 2 كوب لسان عصفور

2 ملعقة كبيرة سمن أو زيت

2 بصلة كبيرة مقطعة

2 مكعب مرقة الدجاج ماجي

3 ملعقة كبيرة صلصة طماطم

4 كوب ماء

1 فلفل ألوان كبيرة مقطع شرائح

طريقة التحضير

اغسلي الكبدة والقوانص جيداً تحت ماء جارية .. اتركيهم جانباً لتتخلص من الماء الزائد.

في إناء، تبلي الكبدة والقوانص في قليل من الخل والفلفل الأسود لمدة ربع ساعة .. اشطفيها مرة أخرى، ثم قطعيها قطع متوسطة.

في إناء عميق، حمري لسان العصفور في قليل من أي مادة دهنية حتى يصير لونه ذهبياً، ثم انشليه وضعيه في إناء جانباً.

في نفس الإناء، شوحي البصل في الدهون المتبقية من تحمير لسان العصفور حتى يذبل ويصفر لونه .. أضيفي قطع الكبدة والقوانص والحبهان 

واستمري في التشويح

أضيفي لسان العصفور المحمر إلى الخليط السابق .. قلبي الخليط، ثم ضعيه في طاجن.

أذيبي صلصة الطماطم في الماء ومكعبات مرقة الدجاج ماجي .. ضعيها في إناء على نار متوسطة حتى تغلي، ثم اسكبيها على خليط لسان 

العصفور .. زيني الوجه بحلقات الفلفل الألوان.

أدخلي القالب الفرن على درجة حرارة 180 لمدة 25 دقيقة أو حتى تتأكدين من النضج.

اخرجي قالب لسان العصفور بالكبدة والقوانص من الفرن .. قدميه ساخناً.

اقرء المزيد

مسقعة باللحمة المفرومة

مسقعة باللحمة المفرومة

المقادير

1ك باذنجان رومي

فلفل اخضر على حسب الرغبة

نصف كيلو لحمة مفرومة 

3 حبات بصلات متوسطة 

2 كوب عصير طماطم

2 ملعقة صلصة طماطم

ملح + فلفل أسمر + بهارات

2 ملعقة زيت ( زيت للقلي )

الــطــريـــــقــــــه :

الاول نجهز اللحمة المفرومة ( العصاج ) نبشر يصلة ونضيف لها شوية ملح وفلفل أسمر وبهارات ونقلبهم كويس ثم نضيف اللحمة ونخلطها جيدا 

ونضيف كمية بسيطة من الزيت حوالي نصف ملعقة ونضعها علي نار هادية لتنضج مع التقليب من فترة لاخرى بعدين نحضر طبق فية ماء بملح ونقشر 

الباذنجان ونقطعة حلقات ويكون سمك الحلقة حوالي 1سم ونضعها في الماء بالملح حتي لا يسود لون الباذنجان وبعدين نقلي الحلقات في زيت غزير 

مع الفلفل ثم نضعها علي ورق ليمتص الزيت الزائد نحضر صنية فرن ونضع ملعقة ونصف زيت ونقطع بصلتين قطع صغيرة وفصين توم ونصفرها في

 الزيت إلى أن تذبل ثم نضيف عصير الطماطم والملح والفلفل والبهارات ونتركها تتسبك نضيف للصلصة العصاج اللي عملناه ونضيف كمية معقولة من

 الماء ثم نضيف حلقات الباذنجان المقلية ونظبطها بالملح نتركها تغلي قليلا ثم ندخلها الفرن بعض الوقت ليحمر الوجة ويتشرب الباذنجان الصلصة جيد 

وممكن نحط حلقات طماطم على الوش

وبالهنا والشفاء

اقرء المزيد