طريقة عمل المحشى المصرى المفلفل

طريقة عمل المحشى المصرى المفلفل

 

وقت التحضير:  ١ ساعة

وقت الطبخ:  ٣٠ دقيقة

عدد الوجبات:  ٦

محشى مصرى لذيذ يشهى

تعلمي كيفية عمل وصفة المحشى المصرى المفلفل من المطبخ المصري بخطوات ومقادير دقيقة، تفنني في تحضيرها بالمنزل وأضيفي صورة وصفتك!

مقادير المحشى المصرى المفلفل

1 كيلو بدنحان
1 كيلو كوسه
1/4 كيلو فلفل ورمى
حوالى ربع كيلو ورق خس
خلطه المحشى:
1 كيلو أرز
2 بصله كبيره
صلصه طماطم
1 فلفل شطه حسب الرغبه
حزمه كزبره
حزمه بقدونس
2 حزمه شبت
توابل ملح وفلفل اسود وكمون وبشر جوزه الطيب

طريقة تحضير المحشى المصرى المفلفل

١. نجهز ورق الخس يكون مسلوق بس بسرعه يادوبك يدخل المايه السخنه ويطلع ونقور البذنجان والكوسه وننضف الفلفل وبعد كدا نشطفهم كويس.

٢. ننضف الخضره وقطعها ونشطفها ونخليها تتصفى.

٣. بعد كدا ننضف الأرز ونشطفه ونصفيه.

٤. فى نفس الوقت نخرط البصل وناخد نصفه نشوحه على النار ونضع فوقه الصلصه لحد اما تتخن

٥. وباقى البصل المقطع ندعكه بالملح والفلفل ونحطه على الارز ونحط فوقهم الخضره بتاعتى وكمان الصلصه اللى جهزتها ولازم تكون الخلطه اللى عندى بقى لونها احمر حلو يعنى الصلصه مضبوطه ونقلبهم كويس وتضبط الملح والفلفل ونقطع معاهم الفلفل الشطه والكمون وجوزه الطيب ونقلبهم ونحط فوقهم شويه زيت ذره وده سر المحشى المفلفل ونقلبهم كويس.

٦. نبتدى الحشو ونرص الحله بالنسبه لورق الخس وبالنسبه للمحشى الفلفل والكوسه والباذنجان نرصهم فى حله تانيه ولما نسويهم نضع عليهم شوربه فوق نص الحله اما ورق الخس فاالشوربه تكون يادوبك تحت آخر رصه فى الحله.

٧. تخلى ورق الخس يغلى شويه حوالى 1/4ساعه او أقل لحد اما يتشرب شويه وبعد كدا تهدى النار عليه لحد اما يستوى لاكن المحشى الكوسه والباقى نجعله على عين صغيره لكن مانوطيش عليه علشان مايتهرييش لحد اما يستوى وعلى فكره نفس طريقه المحشى ورق الخس بنعمل بيها الكرنب وورق العنب وبالهنا والشفا.

اقتراحات المحشى المصرى المفلفل

يقدم ساخن وهايكون الارز مفلفل والحبات ماسكه نفسها وريحتها وطعمها جنان

 

 

 

للمزيد زوروا صفحتنا على الفيسبزك